Istorya ng Pag-asa Film Festival muling magbibigay-inspirasyon sa 2020

Istorya ng Pag-asa Film Festival muling magbibigay-inspirasyon sa 2020

MULING binubuksan ng opisina ni Vice President Leni Robredo at ng Ayala Foundation, Inc., ang ‘Istorya ng Pag-asa Film Festival’ para sa 2020, upang hikayatin ang mga Pilipino na magbahagi ng mga kuwento ng inspirasyon mula sa mga ordinaryong mamamayan.
Ikatlong edisyon na ito ng film festival, kungsaan maaaring sumali ang kahit sinong Pilipino, mapa-professional filmmaker man o hindi, at maging iyong mga nakatira sa ibang bansa.
Ang isang entry ay dapat magbahagi ng isang totoong kuwento ng pag-asa sa loob ng 3- to 5-minute short film.
Layon ng patimpalak na magbigay ng plataporma upang maipakilala ang mga kuwento ng mga ordinaryong Pilipino na nagpursige at nagtagumpay laban sa mga dagok sa buhay, at ang pag-asa na kanilang ibinabahagi sa kabila ng mga hinaharap na pagsubok.
Inilunsad ang Istorya ng Pag-asa Film Festival 2020 nitong Miyerkules, Nov. 27, sa Makati City, kasabay ng selebrasyon ng ikatlong taon ng programang Istorya ng Pag-asa ng OVP.
“Iyong wealth of stories of hope sa atin, iyong mga istorya ng pag-asa, sobrang dami. Sobrang dami. Kaya sana mas marami ring opportunities para mapaalam sa iba iyong kuwento nila,” ani VP Robredo.
Mas malalaking papremyo ang ipamimigay sa Istorya ng Pag-asa Film Festival 2020. Kabilang na rito ang P100,000 para sa tataguriang Best Film, P50,000 para sa 1st runner-up, at P30,000 sa 2nd runner-up. Ang tatlong pelikulang ito rin ay maipapalabas sa Ayala Mall Cinemas sa buong bansa.
Mamimigay rin ng special awards sa patimpalak, tulad ng Best Director, Best Cinematography, Best Editing, at People’s Choice Awards, gayundin ang special awards mula sa OVP at sa Ayala Foundation.
Para sa mga detalye, magtungo sa www.istoryang pagasa. ovp.gov.ph. Sa March 27, 2020 ang deadline ng submission of entries.

  •  
  •  
  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *

Close
Close